வெள்ளி, செப்டம்பர் 22, 2017

ஹைக்கூ கவிதைகள்


திருட்டுத் தேன்
சுத்தமில்லை வாங்காதீர் 
கூச்சலிட்டன தேனீக்கள் !

     **

அமோக விளைச்சல்
அறுவடையாகியும் வாங்கித்தரவில்லை
பழைய சட்டையுடன் நெகிழி !

  **
பதவியிழந்த மந்திரி
இன்னும் சிரித்தபடியே நிற்கிறார்
விளம்பரத் தட்டியில் !

  **
பறக்க முடியவில்லை
கோடுகளுக்குள் தடுமாறியது
குழந்தை வரைந்த காகம் !

  **
அடிக்கடி இடமாற்றம்
இம்சை தாங்க முடியவில்லை
கண்திறவாத பூனைக்குட்டி

  **!
காற்று விற்காத கடையில்
பலூன் வாங்க வேண்டாம்
அடம்பிடித்த சிறுமி !

  **

பழைய அடையாள அட்டைதான்
உப்பி இருந்தது
தாத்தாவின் முகம் !
கருத்துரையிடுக